سياسة الخصوصية

وش البيانات اللي نجمعها؟

نجمع بس اللي تكتبه بنفسك في نموذج طلب الدعوة:

• نوع المناسبة.
• أسماء أصحاب المناسبة (مثل اسم العريس، واسم العروس لو كتبته، أو اسم الخريج، أو صاحب المناسبة).
• اسمك ورقم جوالك.
• تاريخ المناسبة، والمدينة، والمكان.
• العدد التقريبي للضيوف، والباقة، والدعوة لمين، وملاحظاتك لو كتبت.

ومع الطلب نسجّل وقت إرساله.

ليش نجمعها؟

عشان نتواصل معك، ونفهم مناسبتك، ونوضح لك السعر، وننفذ طلبك. ما نستخدمها لشي ثاني.

مين يشوفها؟

• فريق 7TI اللي يشتغل على طلبك.
• خدمة الإرسال Web3Forms: هي اللي توصّل الطلب من الموقع إلى إيميلنا، فالبيانات تمر عليها في الطريق.

ما نبيع بياناتك، ولا نشاركها مع أي أحد لأغراض تسويقية.

وش ما يسويه الموقع

الموقع ما فيه أدوات تتبّع ولا إعلانات، وما يحفظ بيانات النموذج في متصفحك. الخطوط تتحمّل من Google Fonts، فمتصفحك يتصل بسيرفراتهم عشان يجيب الخط.

تبي نحذف بياناتك؟

من حقك تطلب نحذف بياناتك، أو تسأل وش عندنا منها، في أي وقت.

وسيلة التواصل لطلب الحذف بنضيفها هنا قريباً.

لو تغيّرت السياسة

بنحدّث هذي الصفحة وتاريخ آخر تحديث فوق.